خس 7 ك ف اسبوعين من غير مجهود

خس 7 ك ف اسبوعين من غير مجهود

  

طبعا انت شوفت العنوان بقى وقلت هتخس ف اسبوعين 7 كجم وهبقى رشيق من غير مجهود وهاكل براحتى لا باتوتو مش كل 

حاجه هتعملها جسمك مش هيحاسبك عليها اهم حاجه النظام ((اسلوب حياه مش شهر وتبطل كله هيرجع تانى غير اسلوب اكلك 

وهتحس بالفرق )) (اللى بينزل بسرعه بيرجع بسرعه) الشعوب العربيه عموما اكلهم بيخزن مياه ف الجسم فلازم تقلل الملح ف 

اكلك 

*نصائح هامه: 

-خلى قدامك هدف انت عاوز تخس ليه عاوز تعجب واحده ولا علشان جسمك يبقى نشيط تعرف تروح وتيجى ومتحسش بالتعب ولا 

ايه بالظبط اهم حاجه ف اى انجاز ف الحياه الهدف. 

-شرب الماء ثم شرب الماء ثم شرب الماء 3 لتر ع الاقل ف اليوم |((لو انت جعان اشرب كوبيتين ماء بتقلل الاحساس بالجوع وتزيل 
تراكمات السنين من الاملاح اللى بتاثر ع زياده الوزن والاحساس بالثقل حيث ان الاملاح دى بتتراكم ع عظام الرجلين)).

-ممنوع النقنقه بعد الاكل بعد الغداء مثلا ياخد بعد ما الناس شبعت صوبع محشى او هى بتطبخ تاخد معلقه مكرونه هما شيفنها دى 

هتاثر يعنى ؟؟ طبعا اه هتاثر.


-شرب كوبيتين ماء صباحا ع الريق وقبل كل وجبه بنص ساعه ع الاقل (فطار / غدا /عشاء)

-شرب الشاى الاخضر بالنعناع بعد الفطار والغدا بربع ساعه  وبعد العشاء كوبايه تلبيه سخنه بالجنزبيل

-وطبعا مشى كل يوم نص ساعه ع الاقل ف الهواء الطلق (حلوه الهواء الطلق دى)

-خلى جنبك دايما ازازه مايه مليانه ع طوول تاربع فيها براحتك

-طبعا اكييد لو اتعزمت او رحت فرح فيه اوبن بوفيه لازم تاكل مش هقلك متكلش خد معاك دواء اورليستات استخدمه بس قبل الاكل 

الدسم مش معنى كده انك تاكل دسم كل يوم وتقول اورليستات هيعمل اللى عليه ده بس بيقلل كميه معينه من الدهون والباقى بيتخزن 

فبلاش تنذاكى ع نفسك. 

 **الفطار:9 صباحا

 -5 ملاعق كبار فول بزيت الزتون مع حبه شطه لو بتستحملها + 2 بياض بيض+ نص رغيف عيش اسمر او 2 توست اسمر

او-3 بياض بيض +قطعه جبنه قريش بزيت الزيتون والنعناع +نص رغيف اسمر او 2 توست اسمر

**الغدا : 3 عصرا

-ع حسب اللى بتعملوه ف البيت بس اهم حاجه كله مشوى او مسلوق و الارز يبقى بسمتى مسلوق 5 ملاعق كبيره  + طبق سلطه كبييييييييير عليه خل وليمونه وزيت زيتون

**العشا :9 مساء

- نص رغيف اسمر وقطعه جبنه قريش او قطعه جبنه ملح خفيف + جبنه نستو + 5 زتونات

بين الوجبات ممكن تاخد snake بسكوت rich& rich  اللى ب الشوفان حلو اووى بيشبع وصحى مع ازازه مياه جنبه لانه بينفش ف البطن او خيارتين ..

وطبعا مفيش اكل من وقت العشا لغايه النوم 

ويارب اكون فدتكم وادعولى برضا الرب عليا 

واى استفسارات اكتبوها ف التعليقات لا تتردوا