أكيد كل واحد فينا
حصلتله سرقه فى صيدليته أو حتى سمع من زمايله وغالبا السرقات دى الطرق
بتاعتها متشابهه وتكاد تكون محفوظه فنحب نفكركم بيها للافاده وعلى فكره كل
اللى هحكيه ده حصل فى الصيدليه اللى انا فيها بس لأشخاص مختلفين
1-الدكتوره كانت موجوده لوحدها هى والتكنشن وجم اتنين واحده طلبت تأخد حقنه المهم الدكتوره اديتهلها وخرجت على ما تعدل لبسها والتانيه استلمتها أسئله واستشارات دقيقه بالظبط ومشيوا الدكتوره دخلت تفتح الثلاجه والنتيجه متوقعه حقن الفوستيمون والبرونتو جست وامبولات الانسولين بتاع الاقلام والقطرات الغاليه زى الزالاتان وغيرها اختفوا كأنهم كانو عارفين الأنواع الغاليه شكلهم خبره فى السوق.
التنبيه :- ممنوع ترك المريض لوحده فى المعمل بتاتا ولو حتى عشر ثوانى ولذلك يفضل ان الدكاتره الشباب ميدوش حقن للسيدات لانك كده ممكن تضطر تسيبهم لوحدهم فتره. 2-الدكتوره التانيه دخل واحد الصيدليه يوم الجمعه الصبح بدرى ومع ان الشارع رئيسى بس كان فى هدوء فى الشارع قعد يوصف فى شكل علبه ويقول انه بييجى ياخدها مننا بالليل وشاور على المكان اللى بنجيبهالوا منها بس طبعا كل ما الدكتوره تقولوا على علبه يقولها لا مش دى ومره واحده فتح الباب الصغير ودخل وعمل انه بيدور عليها وقال للدكتوره تجيبله علبة دواء مش عارف ايه وايه وجاب هو اى علبه من الحته اللى كان واقف فيها وحاسب ومشى واكتشفت الدكتوره بعدها اختفاء علبتين اكتونيل 35 وعلبه اكتونيل 5.
التنبيه:- ممنوع دخول أى مريض الى داخل الصيدليه الا اذا كان هيفضل تحت عينيا على طول ويُفَضَّل ميدخلش خالص.
3-مريض جه طلب مكن الدكتور أدويه كتير واما الدكتور جه يحاسبه عمل انه افتكر علبه كمان وقال للدكتور عليها وطبعا الدكتور ساب الحاجه على الريون اللى بره وعلى ما اداله ضهره ولف تانى كان اختفى هو والدواء.
التنبيه:- ممنوع ترك أى أدويه على الريون الخارجى أمام المريض الا اذا كان حاسب عليها
4-المره دى بقى مجتش فى دواء كانت فى موبايل نفس الدكتور بس فى الصيدليه التانيه طلب منه مريض بربع اسبرين وفثانيتين كان اختفى هو والموبايل اللى كان على الريون .
طبعا الحراميه بيكونو مراقبين المكان ودارسينه كويس وعارفين مين اللى بيبقى واقف ومن امتى لامتى وبيكونوا عارفين الدواء الغالى فيا ريت نكون حريصين شويه علشان ما نندمش بعدو كده وعلى فكره فيه حاجات تانى حصلت بس ابسط من كده اتفرج على الفيديو ده ولو عرفت الحرامى ارجو الاتصال بي فورا http://www.youtube.com/watch?v=bkbMH7zVjUk
1-الدكتوره كانت موجوده لوحدها هى والتكنشن وجم اتنين واحده طلبت تأخد حقنه المهم الدكتوره اديتهلها وخرجت على ما تعدل لبسها والتانيه استلمتها أسئله واستشارات دقيقه بالظبط ومشيوا الدكتوره دخلت تفتح الثلاجه والنتيجه متوقعه حقن الفوستيمون والبرونتو جست وامبولات الانسولين بتاع الاقلام والقطرات الغاليه زى الزالاتان وغيرها اختفوا كأنهم كانو عارفين الأنواع الغاليه شكلهم خبره فى السوق.
التنبيه :- ممنوع ترك المريض لوحده فى المعمل بتاتا ولو حتى عشر ثوانى ولذلك يفضل ان الدكاتره الشباب ميدوش حقن للسيدات لانك كده ممكن تضطر تسيبهم لوحدهم فتره. 2-الدكتوره التانيه دخل واحد الصيدليه يوم الجمعه الصبح بدرى ومع ان الشارع رئيسى بس كان فى هدوء فى الشارع قعد يوصف فى شكل علبه ويقول انه بييجى ياخدها مننا بالليل وشاور على المكان اللى بنجيبهالوا منها بس طبعا كل ما الدكتوره تقولوا على علبه يقولها لا مش دى ومره واحده فتح الباب الصغير ودخل وعمل انه بيدور عليها وقال للدكتوره تجيبله علبة دواء مش عارف ايه وايه وجاب هو اى علبه من الحته اللى كان واقف فيها وحاسب ومشى واكتشفت الدكتوره بعدها اختفاء علبتين اكتونيل 35 وعلبه اكتونيل 5.
التنبيه:- ممنوع دخول أى مريض الى داخل الصيدليه الا اذا كان هيفضل تحت عينيا على طول ويُفَضَّل ميدخلش خالص.
3-مريض جه طلب مكن الدكتور أدويه كتير واما الدكتور جه يحاسبه عمل انه افتكر علبه كمان وقال للدكتور عليها وطبعا الدكتور ساب الحاجه على الريون اللى بره وعلى ما اداله ضهره ولف تانى كان اختفى هو والدواء.
التنبيه:- ممنوع ترك أى أدويه على الريون الخارجى أمام المريض الا اذا كان حاسب عليها
4-المره دى بقى مجتش فى دواء كانت فى موبايل نفس الدكتور بس فى الصيدليه التانيه طلب منه مريض بربع اسبرين وفثانيتين كان اختفى هو والموبايل اللى كان على الريون .
طبعا الحراميه بيكونو مراقبين المكان ودارسينه كويس وعارفين مين اللى بيبقى واقف ومن امتى لامتى وبيكونوا عارفين الدواء الغالى فيا ريت نكون حريصين شويه علشان ما نندمش بعدو كده وعلى فكره فيه حاجات تانى حصلت بس ابسط من كده اتفرج على الفيديو ده ولو عرفت الحرامى ارجو الاتصال بي فورا http://www.youtube.com/watch?v=bkbMH7zVjUk
ليست هناك تعليقات:
إرسال تعليق